~{ البنت قلبها زي الزجاج فرجااااااااااء لاتكسرو قلبها وتكسرو الزجاجة }~

بسم الله الرحمن الرحيم


السلام عليكم ورحمة الله وبركاته



~{ البنت قلبها زي الزجاج فرجااااااااااء لاتكسرو قلبها وتكسرو الزجاجة }~



السلام عليكم ورحمة الله وبركاته



ابى احكيكم قصتي اللي صارت مع حبيبتي



انا من زمان نفسي اقول قصتي لكل الناس ابغاهم مايوقعوا في الغلط اللي سويتو انا



انا كنت احب وحدة تقربلي تصير بنت عمي



والله حبيتها من قلبي المهم عرفوا اهلنا بدا الموضوع



وانا قررت ابعد عنها عشان خايف من دي المشاكل



وكلمني اخوها واخوها دا كان صاحبي الروح بروح



ولمن دري عن الموضوع زعل وماصار يكلمني



بس لمن اتفرقت عنها رحت وقلت انا خلاص سيبتها



وانا اعتبرها زي اختي رغم اني لسه احبها



بس اوهمت نفسي بانها اختي الين ماعدت 3 سنوات



وانا من جد خلاص حسيتها زي اختي



كنت بشوفها كل جمعة لمن تتجمع العيلة



في يوم لمن كانت العيلة متجمعة مدري ايش اللي جاب سيرة الزواج



فقلت يلا عقبالك انتي كمان



طالعت فيا نظرة مدري هيا نظرة حزن مدري هيا ايش



المهم ماعطيت اهمية لدا الموضوع



وبعدها اتعرفت على بنت من النت لوج



حسيت اني حبيتها وصارت معاملتي مع بنت عمي من جد كانها اختي



وفي يوم من الايام صار اللي ماكنت ماتوقعوا



بنت عمي ماتت



تخيلوا ماتت



وانا ياما جرحتها بكلامي كانت تقولي بعد ماسبنا بعض



انت لسه تحبني ؟انا ايش بالنسبة لك؟



كنت اقلها احبك حب اخوة لااقل ولااكتر



وكنت اجرحها عشان تنساني



بعد ماجاني خبر وفاتها



كنت ابكي صح بس مو داك البكا القوي



وبعد وفاتها لمن صرت اروح يوم الجمعة بيت سيدي



عشان اهلنا هناك



من جد افتقدتها افتقدت شيطنتها ضحكتها



رجتها افتقدت كلامها اللي كان بلسم لجروحي لمن اكون مضايق



كانت هيا تسمع هموم اولاد وبنات خالاتها وعماتها



عمرها ماقالت لاحد همومها وكانت تكتم في قلبها



انا ماكنت ادري انها زي كدا



لكن اكتشفت انو هيا لسه حبها في قلبي كنت اقول انها زي اختي



عشان في كل يوم جمعة اشوفها



لكن لمن ماتت وربي ندمت اني قتلها انا ماحبك



ندمت لاني قتلها انتي زي اختي ندمت اني ماتصل اطمن عليها كل يوم.......واشياء كتير



بس ما ينفع الندم دحين



نفسي اضمها نفسي بس لو اشوف ضحكتها



وحشتني وحشتني وحشتني وحشتني



تخيلو كانت كاتبة ليا ورقة حاطتوا في علبه وحاطتوا في درجي حق التسريحة



وانا درجي دا مافتحو غير في السنة مرة



المهم لمن فتحت الدرج استغربت ايش جاب دي العلبة عندي



فتحتا وشفت ورقة مكتوب فيها



الى حبيبي



كاتبتلي انا عارفة اني ماراح اعيش كتير



بس ابغاك تعرف اني احبك وعمري مانسيتك ابغاك تعرف اني عمري ماتمنيت غير لك السعادة



وحتى لمن حبيت بعدي صح زعلت في البداية لكن دعيت انو ربي يوفقكم مع بعض



بعد موتي مابغى اشوفك زعلان وحزين واذا في يوم كنت مضايق وحزين



لاتكتم في قلبك تعال وكلمني حتى لو ماكنت قدامك تشوفني



بس صدقني حكون سامعتك



احبك



تخيلو دا اللي كتبتوا قد ايش انا كنت حقير وحيوان لمن سبتها



ااااه والله ياناس نفسي ترجعلي نفسي بس انطق اسمها



وهيا تقولي نعم زي زمان



بعد ماقريت الرسالة رحت بيت اهلها ودخلت غرفتها



وربي بس اشوف صورتها ابكي



واجلس اتكلم مدري ايش اقول



جيت ابى انام فوق سريرها لقيت حاطة صورتي تحت المخدة



اختها تقولي كانت دايما قبل ماتنام تقلك تصبح على خير وتبوسك وتقول احبك



حتى لمن تصحى



كانت لمن تكون مضايقة كانت تكلم صورتي



كانت تقول اللي في قلبها كابتتو



تعرفو ديك النظرة لمن قتلها عقبالك انتي تتزوجي



بس دحين عرفتها



عرفت انو نظرتها كانها بتقولي صدقني ماراح يجي دا اليوم لاني ماحوكن موجودة



نصيحة مني لكل واحد يحب



لا يفرط في حبيبتو حتى لو سبتو بعض ارجعو لبعض



لايجي اليوم اللي تندم فيه لانك سبتها ووقت ماتبى ترجعلها ماتلقيها فيه ولاتقول بعد ماسبتها



انك ماتحبها صدقني انت تحبها بس تكابر



اسمعو كلامي ليومكم دا وانا ندمان

وحتى لو كنت تحبها وهيا ماتدري

لا تستنى قولها صارحها بمشاعرك

يمكن حتى هيا تكون تحبك



تحياتي .. ْْ

مشكوووووور والله يعطيك الف عافيه
تقبل مروري وطلتي وتحيتي

شكرا لمرورك على موضوعي وهذا شرف لي

يعطيك العافيه اسير

تقبل طلتي...

شكرا لمرورك على موضوعي وهذا شرف لي

يعطيك العافيه ..

ههههههههههههههههههههههههههههههههههه


ياسمين


القصه ماصرت معي


مو أنا صاحب القصه


هذا واحد من المنتديات


وشكرا لمرورك على موضوعي وهذا شرف لي ووسام على صدري

يعطيك العافيه اسير

تقبل طلتي...